ពិធីចុះអនុស្សរណៈនៃការយោគយល់គ្នា រវាងសមាគមអាម៉ាណះតាកាហ្វុលកម្ពុជា ជាមួយធនាគារ អេស៊ីលីដា ភីអិលស៊ី ស្ដីពីការអនុវត្តកម្មវិធីគម្រោង “លុយខ្ញុំស្អាត”
ពិធីចុះអនុស្សរណៈនៃការយោគយល់គ្នា រវាងសមាគមអាម៉ាណះតាកាហ្វុលកម្ពុជា ជាមួយធនាគារ អេស៊ីលីដា ភីអិលស៊ី ស្ដីពីការអនុវត្តកម្មវិធីគម្រោង “លុយខ្ញុំស្អាត”=====នាព្រឹកថ្ងៃទី៧ ខែមេសា ឆ្នាំ ២០២៥ សមាគមអាម៉ាណះតាកាហ្វុលកម្ពុជា បានចុះអនុស្សរណៈនៃការយោគយល់គ្នា ជាមួយធនាគារ អេស៊ីលីដា ភីអិលស៊ី ស្ដីពីការអនុវត្តកម្មវិធីគម្រោង “លុយខ្ញុំស្អាត” ក្រោមអធិបតីភាព ឯកឧត្តម បណ្ឌិត អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេសនិងជាប្រធានក្រុមប្រឹក្សាសមាគមអាម៉ាណះតាកាហ្វុលកម្ពុជា(CATA) នៅស្នាក់ការកណ្តាល ធនាគារ អេស៊ីលីដា ភីអិលស៊ី ស្ថិតនៅមហាវិថីព្រះមុនីវង្ស សង្កាត់ស្រះចក ខណ្ឌដូនពេញ រាជធានីភ្នំពេញ ដោយមានអ្នកអញ្ជើញចូលរួមចំនួន ៣៤៥ នាក់។អនុស្សរណៈនៃការយោគ យល់គ្នានេះ ជាការឆ្លុះបញ្ចាំងនៃការប្តេជ្ញាចិត្តនៃភាគីទាំងពីរ ដើម្បីផ្តល់ជូននូវសេវាហិរញ្ញវត្ថុ ស្របតាម គោលការណ៍ច្បាប់ឥស្លាម និងអាចគ្រប់គ្រងហិរញ្ញវត្ថុរបស់សមាជិក CATA ទាំងអស់ដោយគ្មានការប្រាក់។ ភាពជាដៃគូនេះ ក៏បានផ្តល់ជូននូវដំណោះស្រាយប្រកបដោយតម្លាភាព សុវត្ថិភាព ដោយ ធនាគារនឹងផ្តល់ជូននូវសេវាកម្មធនាគារដែលគោរពតាមច្បាប់សារីអះ ដែលអនុញ្ញាតឱ្យបងប្អូនខ្មែរ ឥស្លាមអាចដាក់ប្រាក់សន្សំដោយមិនទទួលការប្រាក់ ឫត្រូវបានកាត់ចេញដោយស្វ័យប្រវត្តិ ចូលទៅ គណនី CATA ដែលមាននៅ ធនាគារ អេស៊ីលីដា កម្មវិធីគម្រោង “លុយខ្ញុំស្អាត” សម្រាប់ប្រើ ប្រាស់នៅក្នុងគម្រោងសហគមន៍ និងសកម្មភាពសប្បុរសធម៌នានា ដែលអនុលោមតាមច្បាប់ឥស្លាម។លោកបណ្ឌិត អ៊ិន ចាន់នី បានថ្លែងបន្តថា អនុស្សរណៈនៃការយោគយល់គ្នានេះ គឺស្របតាមទស្សនៈ និងបេសកកម្មរបស់ធនាគារ អេស៊ីលីដាជាធនាគារពាណិជ្ជនាំមុខដែលលោកអ្នកជឿទុកចិត្តបំផុតនៅប្រទេសកម្ពុជា ក្នុងការផ្តល់ និងបម្រើសេវាកម្មហិរញ្ញវត្ថុជូនដល់សាធារណជនគ្រប់មជ្ឈដ្ឋានក្នុងសហគមន៍ ។ ជាក់ស្តែងជាមួយសហគមន៍ខ្មែរឥស្លាម ដែលធនាគារបានប្តេជ្ញាចិត្តខ្ពស់ ក្នុងការបម្រើសេវាកម្មអស់ពីដួងចិត្ត តាមចុក្ខវិស័យរបស់ខ្លួន ហើយជាពិតណាស់ធនាគារ បានបម្រើសេវាកម្មដល់បងប្អូនឥស្លាមនៅទូទាំងប្រទេសរួចមកហើយ ប៉ុន្តែក្នុងវិធីថ្ងៃនេះ គឺជាកម្មវិធីផ្លូវការ ដែលនឹងពង្រីកកិច្ចសហប្រតិបត្តិការ និងបម្រើសេវាកម្មឱ្យបានជ្រាលជ្រៅឱ្យដល់សហគមន៍ខ្មែរឥស្លាម ទៅតាមគោលការណ៍ច្បាប់ឥស្លាមផង ហើយត្រូវនឹងទៅច្បាប់បទបញ្ញប្បត្តិ នៃជាតិផងដែរ។ចំណែក ឯកឧត្តមបណ្ឌិត អូស្មាន ហាស្សាន់ទេសរដ្ឋមន្ត្រីទទួលបន្ទុកបេសកកម្មពិសេសនិងជាប្រធានក្រុមប្រឹក្សាសមាគមអាម៉ាណះតាកាហ្វុលកម្ពុជា(CATA) បានថ្លែងថា បច្ចុប្បន្ន នៅកម្ពុជា មានពលរដ្ឋខ្មែរ-ឥស្លាមសរុបជាង ៨០ម៉ឺននាក់ ប៉ុន្ដែ ការប្រើប្រាស់សេវាធនាគារ សម្រាប់ពួកគាត់ គឺមិនសូវមានភាពទូលំទូលាយនោះឡើយ ដោយសារមានការខ្លាចក្រែដាក់ថវិកា នៅក្នុងធនាគារ មានការពាក់ព័ន្ធនឹងការប្រាក់ និងលុយអត្ថប្រយោជន៍ផ្សេងៗពីធនាគារ ដែលមិនសមស្របជាមួយនឹងច្បាប់ឥស្លាម ដោយអ្នកខ្លះមិនដាក់នោះទេ ហើយសន្សំដាក់សន្សំដាក់នៅផ្ទះ។ឯកឧត្តមទេសរដ្ឋមន្ត្រី បានបន្ថែមថា តាមរយៈកម្មវិធីគម្រោង «លុយខ្ញុំស្អាត» ដែលទើប តែបានដាក់ឱ្យ ប្រើប្រាស់ ដោយធនាគារ អេស៊ីលីដា ក្រោមការសហការជាមួយនឹង សមាគម អាម៉ាណះតាកាហ្វុល កម្ពុជា នឹងជួយសម្រួលឱ្យពលរដ្ឋខ្មែរ-ឥស្លាមទាំងអស់ អាចមានលទ្ធភាពប្រើប្រាស់ សេវាធនាគារបាន យ៉ាងងាយស្រួល សម្រាប់ជីវភាពរស់នៅប្រចាំថ្ងៃ ពិសេសអាចទុកដាក់ប្រាក់កាស របស់ពួកគាត់បាន យ៉ាងងាយស្រួល មានសុវត្ថិភាពបំផុត និងជៀសផុតពីការបាត់បង់ ដោយយថាហេតុ។ ឯកឧត្តមបណ្ឌិតបានថ្លែងបន្តថា ប្រាក់កម្រៃដែលទទួលបានពីគម្រោងខាងលើ នឹងផ្តល់អត្ថប្រយោជន៍រួមដល់សហគមន៍ ក៏ដូចជាសង្គមទាំងមូល ដូចជាសម្រាប់សាងសង់ផ្លូវថ្នល់ បង្គន់អនាម័យ ដាក់សូឡាបំភ្លឺផ្លូវនៅតាមសហគមន៍ និងផ្សេងៗទៀត។គួរឱ្យដឹងដែរថា ធនាគារ អេស៊ីលីដា ជាធនាគារពាណិជ្ជខ្មែរដ៏ធំជាងគេ ដែលបាន និងកំពុងចាក់ឫសយ៉ាងជ្រៅ និងរឹងមាំ នៅក្នុងវិស័យ ធនាគារ និងហិរញ្ញវត្ថុ ហើយបានបន្តផ្តោត លើការអភិវឌ្ឍហេដ្ឋារចនាសម្ព័ន្ធធនាគារអេឡិចត្រូនិករបស់ខ្លួន កាន់តែខ្លាំងក្លា ពីមួយឆ្នាំទៅមួយឆ្នាំ។ គិតត្រឹមដំណាច់ខែធ្នូ ឆ្នាំ២០២៤ នេះ ធនាគារ អេស៊ីលីដា មានទ្រព្យសកម្មសរុបចំនួនជាង ១០,៨៣ប៊ីលានដុល្លារអាមេរិក ប្រាក់បញ្ញើសន្សំសរុបចំនួន ៨,៣៦ប៊ីលានដុល្លារអាមេរិក និងមានអតិថិជនប្រមាណជាង ៥,៥២លាននាក់។ ធនាគារ អេស៊ីលីដា មានដៃគូអាជីវកម្មសរុប ច្រើងជាង ០,៥៥លានដៃគូ និងមានអ្នកប្រើប្រាស់អេស៊ីលីដា ស៊ូភើអេប សរុបចំនួនជាង ៤,៥៤ លាននាក់៕
ការឧបត្ថម្ភអាហារសម្រាប់ Iftar ដោយ Dr. Muhammed Sajjad Khan ម្ចាស់ជំនួយមកពីប្រទេសអង់គ្លេស (UK)
ថ្ងៃពុធ ទី 12 ខែមិនា ឆ្នាំ 2025 | ការិយាល័យថ្នាក់កណ្តាលសមាគមអាម៉ាណះតាកាហ្វុលកម្ពុជា។ កម្មវិធី Iftar ជាមួយយុវជន និងយុវតីជាង 100 នាក់ សាម៉ាន សេន, នាយកប្រតិបត្តិនៃសមាគមអាម៉ាណះតាកាហ្វុលកម្ពុជា, បានរៀបចំកម្មវិធី Iftar (ស្រាយបួស) ជាមួយយុវជន និងយុវតីជាង 100 នាក់ មកពីបណ្តាសាកលវិទ្យាល័យនានានៅក្នុងរាជធានីភ្នំពេញ។ ចំណុចសំខាន់ក្នុងកម្មវិធី៖ អត្ថប្រយោជន៍គោលការណ៍ទាំង៥ របស់សមាគមអាម៉ាណះតាកាហ្វុលកម្ពុជា ឈរលើទិសដៅអភិវឌ្ឍន៍សហគមន៍។ ការចែករំលែកបទពិសោធន៍ លើកិច្ចការងារសង្គមរបស់ថ្នាក់ដឹកនាំយុវជន។ ការឧបត្ថម្ភអាហារសម្រាប់ Iftar ដោយ Dr. Muhammed Sajjad Khan ម្ចាស់ជំនួយមកពីប្រទេសអង់គ្លេស (UK) តាមរយៈសមាគមអាម៉ាណះតាកាហ្វុលកម្ពុជា។ Alhamdulillah! កម្មវិធីនេះមិនត្រឹមតែជាកមកមវិធីIftar (ស្រាយបួស) រួមគ្នាក្នុងខែរ៉ម៉ាឌង់ប៉ុណ្ណោះទេ ប៉ុន្តែបញ្ជាក់ពីកិច្ចខិតខំប្រឹងប្រែងក្នុងការលើកកម្ពស់ការអប់រំ នៅក្នុងបរិយាកាសរីករាយ ជាមួយនឹងកម្លាំងយុវជនដែលមានការចូលរួមយ៉ាងសកម្ម។ #Alhamdulillah #CATA #IftarEvent #MuslimYouth #Cambodia
កម្មវិធីជួបជុំថ្នាក់ដឹកនាំ និងសិក្ខាសាលាស្តីពី៖ “ដំណោះស្រាយអនុវត្តនៃការសម្អាតការប្រាក់នៅក្នុងប្រព័ន្ធធនាគារ RIBA Clearance”
កម្មវិធីជួបជុំថ្នាក់ដឹកនាំ និងសិក្ខាសាលាស្តីពី៖ “ដំណោះស្រាយអនុវត្តនៃការសម្អាតការប្រាក់នៅក្នុងប្រព័ន្ធធនាគារ RIBA Clearance” Alhamdulillah! កម្មវិធីជួបជុំថ្នាក់ដឹកនាំ និងសិក្ខាសាលាស្តីពី៖ “ដំណោះស្រាយអនុវត្តនៃការសម្អាតការប្រាក់នៅក្នុងប្រព័ន្ធធនាគារ RIBA Clearance” របស់ សមាគម CATA បានប្រព្រឹត្តទៅដោយជោគជ័យ ក្រោមការដឹកនាំប្រជុំផ្ទាល់ដោយ លោក សេន សាម៉ាន, នាយកប្រតិបត្តិនៃ សមាគមអាម៉ាណះតាកាហ្វុលកម្ពុជា និងជាតំណាងដ៏ខ្ពង់ខ្ពស់ ឯកឧត្តមបណ្ឌិត អ្នកឧញ៉ា ដាតុ អូស្មាន ហាស្សាន់ ទេសរដ្ឋមន្រ្តីទទួលបន្ទុកបេសសកម្មពិសេស និងជាប្រធានក្រុមប្រឹក្សាសមាគមអាម៉ាណះតាកាហ្វុលកម្ពុជា។ កម្មវិធីនេះ មានសមាសភាពជាថ្នាក់ដឹកនាំ មន្រ្តីភ្នាក់ងារ សមាគម CATA តួនៗ និងនាយកសាលាទាំង ៥ ចូលរួមប្រមាណជាង 50នាក់។ អត្ថប្រយោជន៍នៃកម្មវិធី៖ សិក្ខាសាលាស្តីពី៖ “ដំណោះស្រាយអនុវត្តនៃការសម្អាតការប្រាក់នៅក្នុងប្រព័ន្ធធនាគារ RIBA Clearance”។ ការបើកប័ណ្ណសមាជិកភាពថ្មី នៃ “មូលនិធិសហគមន៍ខ្ញុំ” – ផ្តល់ អត្ថប្រយោជន៍ពិសេស និង សេវាកម្មឥតគិតថ្លៃ សម្រាប់សមាជិក។ ការប្រគល់អំណោយជាគម្ពីរ Al-Quran ចំនួន៥កេះ ស្មើនឹង 200ក្បាល ជូនដល់ សាលាទាំង ៥ ដើម្បីលើកកម្ពស់ ការអប់រំផ្នែកសាសនាបន្ថែមនៅក្នុងខែ Ramadan ដ៏ពិសិដ្ឋ។ សូមអរគុណដល់ថ្នាក់ដឹកនាំ មន្រ្តីភ្នាក់ងារ សមាគម CATA តួនៗ និងនាយកសាលាទាំង ៥ដែលចូលរួម បានធ្វើឱ្យកម្មវិធីនេះប្រកបដោយជោគជ័យ! បន្តរួមចំណែក កសាងសហគមន៍ ផលប៉ះពាល់នៃ RIBA និងការផ្តល់ដំណោះស្រាយលើការអនុវត្តសម្អាតការប្រាក់នៅក្នុងធនាគារ តាមរយៈកម្មវិធី “លុយខ្ញុំស្អាត” (RIBA Clearance) និង ភាពរួមចំណែកក្នុងសង្គម។ #CATA #RIBAClearance #MyPureMoney #IslamicFinance #FinancialFreedom #សហគមន៍ខ្ញុំអនាគតខ្ញុំ
លោក នាយកប្រតិបត្តិ, បានជួបសួរទុក្ខផ្ទាល់ទៅកាន់ក្រុមគ្រួសារអតីតសមាជិក ម៉ាត់ អាទីកះ, ដែលបានទទួលមរណៈភាពដោយសាររោគាពាធ
إِنَّا لِلَّٰهِ وَإِنَّا إِلَيْهِ رَاجِعُون នៅការិយាល័យថ្នាក់កណ្តាលនៃសមាគមអាម៉ាណះតាកាហ្វុលកម្ពុជា, នាព្រឹកថ្ងៃអង្គារ៍ ទី18 ខែកុម្ភៈ ឆ្នាំ2025, លោក សេន សាម៉ាន, នាយកប្រតិបត្តិនៃសមាគមអាម៉ាណះតាកាហ្វុលកម្ពុជា, បានជួបសួរទុក្ខផ្ទាល់ទៅកាន់ក្រុមគ្រួសារអតីតសមាជិក ម៉ាត់ អាទីកះ, ដែលបានទទួលមរណៈភាពដោយសាររោគាពាធកាលពីថ្ងៃទី22 ខែមករា ឆ្នាំ2025 ស្ថិតនៅភូមិរកាក្រោម សង្កាត់សំបួរមាស ក្រុងកំពង់ចាម ខេត្តកំពង់ចាម។ ក្នុងឱកាសនេះ, លោកនាយកប្រតិបត្តិ បានផ្តល់ថវិកាមូលនិធិឧបត្ថម្ភចំនួន 6,000,000៛ ដើម្បីជួយសម្រាលបន្ទុកដល់ក្រុមគ្រួសារពួកគាត់ផងដែរ។ ជំនួសមុខគណៈកម្មការនៃសមាគមអាម៉ាណះតាកាហ្វុលកម្ពុជា, យើងខ្ញុំសូមឌូអា សុំអាល់ឡោះ ជាម្ចាស់ មេត្តាសន្តោសប្រណី និងទទួលយកនូវអាម៉ាល់អុីប៉ាទាតរបស់ ម៉ាត់ អាទីកះ និងបញ្ចូលទ្រង់គាត់នៅក្នុងឋានសួរផងចុះ។ អាមីន សមាគម CATA៖ #សហគមន៍ខ្ញុំអនាគតខ្ញុំ
កម្មវិធីជំនួបពិភាក្សាស្តីពីការបង្កើតក្រុមការងារ សមាគម CATA ក្នុងថ្នាក់មូលដ្ឋាន
កម្មវិធីជំនួបពិភាក្សាស្តីពីការបង្កើតក្រុមការងារ សមាគម CATA ក្នុងថ្នាក់មូលដ្ឋាន សមាគមអាម៉ាណះតាកាហ្វុលកម្ពុជា បានរៀបចំកម្មវិធីជំនួបពិភាក្សាជាមួយថ្នាក់ដឹកនាំនៅមូលដ្ឋាន ដើម្បីបង្កើតក្រុមការងារសមាគមប្រចាំខេត្ត ក្រុង ស្រុក ឃុំ និងភូមិ។ កម្មវិធីនេះនឹងជួយពង្រឹងសហការណ៍ និងការចូលរួមរបស់សហគមន៍មូលដ្ឋានក្នុងការអភិវឌ្ឍន៍កម្មវិធីអត្ថប្រយោជន៍សមាជិក។ សមាសភាពអ្នកចូលរួម៖ លោក សេន សាម៉ាន, នាយកប្រតិបត្តិនៃ សមាគម CATA និងជាតំណាងដ៏ខ្ពង់ខ្ពស់ឯកឧត្តមបណ្ឌិត អ្នកឧកញ៉ា ដាតុ អូស្មាន ហាស្សាន់, ទេសរដ្ឋមន្រ្តីទទួលបន្ទុកបេសសកម្មពិសេស និងជាប្រធានក្រុមប្រឹក្សាភិបាល សមាគម CATA ឯកឧត្តម សាន់ យូ, អភិបាលរងខេត្តនៃគណៈអភិបាលខេត្តកំពង់ឆ្នាំង ឯកឧត្តម សេន ម៉ាត់ណូ, ក្រុមប្រឹក្សាខេត្តកំពង់ឆ្នាំង តួនហាជ្ជី យូណេស ហាសឹម, គណៈអុីមាំខេត្តកំពង់ឆ្នាំង និងអ្នកដឹកនាំមូលដ្ឋានមកពីក្រុង ស្រុក ឃុំ និងហាកឹម តួន ប្រមាណជាង 40នាក់។ កិច្ចប្រជុំនេះសំដៅលើការចែករំលែកអំពីគោលដៅនិងបេសកកម្មរបស់ សមាគម CATA, ការរួមចំណែករបស់សមាជិក និងការរៀបចំផែនការអនាគត។ សមាគម CATA៖ #សហគមន៍ខ្ញុំអនាគតខ្ញុំ
លោក នាយកប្រតិបត្តិ បានមកសាកសួរទុក្ខ លោក តួន អះម៉ាត់អ៊ុលវី អាតាំ ដែលជាមន្រ្តីភ្នាក់ងារមកពីខេត្តក្រចេះ
សេចក្ដីអាណិតអាសូរ និងការលើកទឹកចិត្ត លោក នាយកប្រតិបត្តិ បានមកសាកសួរទុក្ខ លោក តួន អះម៉ាត់អ៊ុលវី អាតាំ ដែលជាមន្រ្តីភ្នាក់ងារមកពីខេត្តក្រចេះ កំពុងសម្រាកព្យាបាលជំងឺនៅក្នុង មន្ទីរពេទ្យកាល់ម៉ែត្រ។ ក្នុងឪកាសនេះ លោកនាយកប្រតិបត្តិបានផ្តល់ថវិកាឧបត្ថម្ភចំនួន 100,000៛ ដើម្បីជាការលើកទឹកចិត្ត និងជំនួយដល់តួន។ លោកនាយកក៏បានធ្វើ ឌូអាសុំពរពីព្រះអល់ឡោះជាម្ចាស់ ដល់មន្រ្តីភ្នាក់ងារយើងឆាប់បានជាសះស្បើយពីជំងឺ និងមានសុខភាពល្អវិញ។ សមាគម CATA៖ #សហគមន៍ខ្ញុំអនាគតខ្ញុំ
សេចក្ដីអាណិតអាសូរ និងការចែករំលែក
សេចក្ដីអាណិតអាសូរ និងការចែករំលែក នេះជាលើកទីពីរដែលលោកនាយកប្រតិបត្តិបានជួបជីដូនម្នាក់ដែលមានជីវភាពក្រីក្រនិងឯកោ។ ជីដូនមានអាយុជាង 80 ឆ្នាំហើយ តែគ្មានកូនចៅសម្រាប់ថែរក្សា។ រស់នៅដោយអាស្រ័យលើការសដាកោះតិចតួចពីអ្នកភូមិនៅក្បែរ។ ក្នុងឪកាសនេះ លោកនាយកប្រតិបត្តិបានផ្តល់ថវិកាចំនួន 100,000៛ ជាសដាកោះ និងអណ្តូងទឹកស្អាតមួយសម្រាប់ជីដូនប្រើប្រាស់។ អណ្តូងទឹកស្អាតនេះ គឺជាជំនួយឧបត្ថម្ភក្រោមកិច្ចសហការណ៍រវាង Cambodian Amanah Takaful Association (CATA) និង Emaan Foundation Cambodia។ យើងសង្ឃឹមថាការចែករំលែកនេះនឹងផ្តល់នូវភាពងាយស្រួល និងអនុគ្រោះដល់ជីដូន។ សូមចូលរួមទាំងអស់ សដាកោះចារីយ៉ាស់នៅក្នុងខែ Ramadan ដើម្បីជួយដល់ប្រជាណលរដ្ឋឥស្លាមក្រីក្រយើង និងទទួលបានកុសលផលបុណ្យយ៉ាងធំធេងពី ព្រះអល់ឡោះជាម្ចាស់ ។ សមាគម CATA៖ #សហគមន៍ខ្ញុំអនាគតខ្ញុំ
សកម្មភាពមួយដ៏មានអត្ថន័យក្នុងការផ្តល់អំណោយសៀវភៅ អាល់គួអាន (Al Quran) ដើម្បីលើកស្ទួយសាសនា និងការរៀនសូត្រ
សកម្មភាពមួយដ៏មានអត្ថន័យក្នុងការផ្តល់អំណោយសៀវភៅ អាល់គួអាន (Al Quran) ដើម្បីលើកស្ទួយសាសនា និងការរៀនសូត្រ នារសៀលថ្ងៃសៅរ៍ ទី ១១ ខែមករា ឆ្នាំ ២០២៥, នាយកប្រតិបត្តិនៃ សមាគមអាម៉ាណះតាកាហ្វុលកម្ពុជា (សមាគម CATA) បានអំណោយជាសៀវភៅ អាល់គួអាន (Al Quran) ចំនួន ៤០ ក្បាល ផ្តល់ជូនកូនសិស្សនៅសាលា អាល់ហុីឌាយ៉ះ អាល់ឥស្លាមីយ៉ះពង្រ២ នៅឃុំ ពង្រ ស្រុក ឆ្លូង ខេត្តក្រចេះ។ សៀវភៅ អាល់គួអាន (Al Quran) ទាំងនេះនឹងត្រូវបានប្រើប្រាស់ក្នុងសកម្មភាពសាសនា ខណៈពេលខែ Ramadan ដើម្បីជួយកូនសិស្ស និងអាណាព្យាបាលក្នុងការរៀនសូត្រ អាល់គួអាន (Al Quran) និងបង្កើនចំណេះដឹងសាសនា។ សមាគមអាម៉ាណះតាកាហ្វុលកម្ពុជា លើកស្ទួយការអប់រំសាសនានៅក្នុងសហគមន៍! #CATA #AlQuranDonation #CommunitySupport #IslamicEducation #RamadanPreparation
សកម្មភាពមួយដ៏មានអត្ថន័យក្នុងការផ្តល់អំណោយសៀវភៅ អាល់គួអាន (Al Quran) ដើម្បីលើកស្ទួយសាសនា និងការរៀនសូត្រ
សកម្មភាពមួយដ៏មានអត្ថន័យក្នុងការផ្តល់អំណោយសៀវភៅ អាល់គួអាន (Al Quran) ដើម្បីលើកស្ទួយសាសនា និងការរៀនសូត្រ នាព្រឹកថ្ងៃទី ១០ ខែមករា ឆ្នាំ ២០២៥, នាយកប្រតិបត្តិនៃ សមាគមអាម៉ាណះតាកាហ្វុលកម្ពុជា (សមាគម CATA) បានអំណោយជាសៀវភៅ អាល់គួអាន (Al Quran) ចំនួន ៤០ ក្បាល ផ្តល់ជូន ហាកឹមម៉ាស្ជិត Al Ilmi Ekmas នៅភូមិចុងធ្លុង ឃុំអូរសណ្តាន់ ស្រុកក្រគរ ខេត្តពោធិ៍សាត់។ សៀវភៅ អាល់គួអាន (Al Quran) ទាំងនេះនឹងត្រូវបានប្រើប្រាស់ក្នុងសកម្មភាពសាសនា ខណៈពេលខែ Ramadan ដើម្បីជួយសមាជិកសហគមន៍ក្នុងការរៀនសូត្រ អាល់គួអាន (Al Quran) និងបង្កើនចំណេះដឹងសាសនា។ សមាគមអាម៉ាណះតាកាហ្វុលកម្ពុជា លើកស្ទួយការអប់រំសាសនា នៅក្នុងសហគមន៍! #CATA #AlQuranDonation #CommunitySupport #IslamicEducation #RamadanPreparation
CATA conducted an inspection visit to the water well project
The Executive Director of the Cambodian Amanah Takaful Association (CATA) conducted an inspection visit to the water well project in Teuk Phos District, Kampong Chhnang Province. This project aims to provide clean and sustainable water resources to the local community, addressing their daily needs and improving their quality of life. During the visit, the Executive Director reviewed the progress of the wells’ construction, ensured their quality and efficiency, and engaged with the community to understand their needs further.