កម្មវិធីជួបជុំថ្នាក់ដឹកនាំ និងសិក្ខាសាលាស្តីពី៖ “ដំណោះស្រាយអនុវត្តនៃការសម្អាតការប្រាក់នៅក្នុងប្រព័ន្ធធនាគារ RIBA Clearance”
កម្មវិធីជួបជុំថ្នាក់ដឹកនាំ និងសិក្ខាសាលាស្តីពី៖ “ដំណោះស្រាយអនុវត្តនៃការសម្អាតការប្រាក់នៅក្នុងប្រព័ន្ធធនាគារ RIBA Clearance” Alhamdulillah! កម្មវិធីជួបជុំថ្នាក់ដឹកនាំ និងសិក្ខាសាលាស្តីពី៖ “ដំណោះស្រាយអនុវត្តនៃការសម្អាតការប្រាក់នៅក្នុងប្រព័ន្ធធនាគារ RIBA Clearance” របស់ សមាគម CATA បានប្រព្រឹត្តទៅដោយជោគជ័យ ក្រោមការដឹកនាំប្រជុំផ្ទាល់ដោយ លោក សេន សាម៉ាន, នាយកប្រតិបត្តិនៃ សមាគមអាម៉ាណះតាកាហ្វុលកម្ពុជា និងជាតំណាងដ៏ខ្ពង់ខ្ពស់ ឯកឧត្តមបណ្ឌិត អ្នកឧញ៉ា ដាតុ អូស្មាន ហាស្សាន់ ទេសរដ្ឋមន្រ្តីទទួលបន្ទុកបេសសកម្មពិសេស និងជាប្រធានក្រុមប្រឹក្សាសមាគមអាម៉ាណះតាកាហ្វុលកម្ពុជា។ កម្មវិធីនេះ មានសមាសភាពជាថ្នាក់ដឹកនាំ មន្រ្តីភ្នាក់ងារ សមាគម CATA តួនៗ និងនាយកសាលាទាំង ៥ ចូលរួមប្រមាណជាង 50នាក់។ អត្ថប្រយោជន៍នៃកម្មវិធី៖ សិក្ខាសាលាស្តីពី៖ “ដំណោះស្រាយអនុវត្តនៃការសម្អាតការប្រាក់នៅក្នុងប្រព័ន្ធធនាគារ RIBA Clearance”។ ការបើកប័ណ្ណសមាជិកភាពថ្មី នៃ “មូលនិធិសហគមន៍ខ្ញុំ” – ផ្តល់ អត្ថប្រយោជន៍ពិសេស និង សេវាកម្មឥតគិតថ្លៃ សម្រាប់សមាជិក។ ការប្រគល់អំណោយជាគម្ពីរ Al-Quran ចំនួន៥កេះ ស្មើនឹង 200ក្បាល ជូនដល់ សាលាទាំង ៥ ដើម្បីលើកកម្ពស់ ការអប់រំផ្នែកសាសនាបន្ថែមនៅក្នុងខែ Ramadan ដ៏ពិសិដ្ឋ។ សូមអរគុណដល់ថ្នាក់ដឹកនាំ មន្រ្តីភ្នាក់ងារ សមាគម CATA តួនៗ និងនាយកសាលាទាំង ៥ដែលចូលរួម បានធ្វើឱ្យកម្មវិធីនេះប្រកបដោយជោគជ័យ! បន្តរួមចំណែក កសាងសហគមន៍ ផលប៉ះពាល់នៃ RIBA និងការផ្តល់ដំណោះស្រាយលើការអនុវត្តសម្អាតការប្រាក់នៅក្នុងធនាគារ តាមរយៈកម្មវិធី “លុយខ្ញុំស្អាត” (RIBA Clearance) និង ភាពរួមចំណែកក្នុងសង្គម។ #CATA #RIBAClearance #MyPureMoney #IslamicFinance #FinancialFreedom #សហគមន៍ខ្ញុំអនាគតខ្ញុំ
កម្មវិធីជំនួបពិភាក្សាស្តីពីការបង្កើតក្រុមការងារ សមាគម CATA ក្នុងថ្នាក់មូលដ្ឋាន
កម្មវិធីជំនួបពិភាក្សាស្តីពីការបង្កើតក្រុមការងារ សមាគម CATA ក្នុងថ្នាក់មូលដ្ឋាន សមាគមអាម៉ាណះតាកាហ្វុលកម្ពុជា បានរៀបចំកម្មវិធីជំនួបពិភាក្សាជាមួយថ្នាក់ដឹកនាំនៅមូលដ្ឋាន ដើម្បីបង្កើតក្រុមការងារសមាគមប្រចាំខេត្ត ក្រុង ស្រុក ឃុំ និងភូមិ។ កម្មវិធីនេះនឹងជួយពង្រឹងសហការណ៍ និងការចូលរួមរបស់សហគមន៍មូលដ្ឋានក្នុងការអភិវឌ្ឍន៍កម្មវិធីអត្ថប្រយោជន៍សមាជិក។ សមាសភាពអ្នកចូលរួម៖ លោក សេន សាម៉ាន, នាយកប្រតិបត្តិនៃ សមាគម CATA និងជាតំណាងដ៏ខ្ពង់ខ្ពស់ឯកឧត្តមបណ្ឌិត អ្នកឧកញ៉ា ដាតុ អូស្មាន ហាស្សាន់, ទេសរដ្ឋមន្រ្តីទទួលបន្ទុកបេសសកម្មពិសេស និងជាប្រធានក្រុមប្រឹក្សាភិបាល សមាគម CATA ឯកឧត្តម សាន់ យូ, អភិបាលរងខេត្តនៃគណៈអភិបាលខេត្តកំពង់ឆ្នាំង ឯកឧត្តម សេន ម៉ាត់ណូ, ក្រុមប្រឹក្សាខេត្តកំពង់ឆ្នាំង តួនហាជ្ជី យូណេស ហាសឹម, គណៈអុីមាំខេត្តកំពង់ឆ្នាំង និងអ្នកដឹកនាំមូលដ្ឋានមកពីក្រុង ស្រុក ឃុំ និងហាកឹម តួន ប្រមាណជាង 40នាក់។ កិច្ចប្រជុំនេះសំដៅលើការចែករំលែកអំពីគោលដៅនិងបេសកកម្មរបស់ សមាគម CATA, ការរួមចំណែករបស់សមាជិក និងការរៀបចំផែនការអនាគត។ សមាគម CATA៖ #សហគមន៍ខ្ញុំអនាគតខ្ញុំ
សកម្មភាពមួយដ៏មានអត្ថន័យក្នុងការផ្តល់អំណោយសៀវភៅ អាល់គួអាន (Al Quran) ដើម្បីលើកស្ទួយសាសនា និងការរៀនសូត្រ
សកម្មភាពមួយដ៏មានអត្ថន័យក្នុងការផ្តល់អំណោយសៀវភៅ អាល់គួអាន (Al Quran) ដើម្បីលើកស្ទួយសាសនា និងការរៀនសូត្រ នារសៀលថ្ងៃសៅរ៍ ទី ១១ ខែមករា ឆ្នាំ ២០២៥, នាយកប្រតិបត្តិនៃ សមាគមអាម៉ាណះតាកាហ្វុលកម្ពុជា (សមាគម CATA) បានអំណោយជាសៀវភៅ អាល់គួអាន (Al Quran) ចំនួន ៤០ ក្បាល ផ្តល់ជូនកូនសិស្សនៅសាលា អាល់ហុីឌាយ៉ះ អាល់ឥស្លាមីយ៉ះពង្រ២ នៅឃុំ ពង្រ ស្រុក ឆ្លូង ខេត្តក្រចេះ។ សៀវភៅ អាល់គួអាន (Al Quran) ទាំងនេះនឹងត្រូវបានប្រើប្រាស់ក្នុងសកម្មភាពសាសនា ខណៈពេលខែ Ramadan ដើម្បីជួយកូនសិស្ស និងអាណាព្យាបាលក្នុងការរៀនសូត្រ អាល់គួអាន (Al Quran) និងបង្កើនចំណេះដឹងសាសនា។ សមាគមអាម៉ាណះតាកាហ្វុលកម្ពុជា លើកស្ទួយការអប់រំសាសនានៅក្នុងសហគមន៍! #CATA #AlQuranDonation #CommunitySupport #IslamicEducation #RamadanPreparation
CATA conducted an inspection visit to the water well project
The Executive Director of the Cambodian Amanah Takaful Association (CATA) conducted an inspection visit to the water well project in Teuk Phos District, Kampong Chhnang Province. This project aims to provide clean and sustainable water resources to the local community, addressing their daily needs and improving their quality of life. During the visit, the Executive Director reviewed the progress of the wells’ construction, ensured their quality and efficiency, and engaged with the community to understand their needs further.
ពិតជាកិត្តិយស និងមោទនភាពសម្រាប់សហគមន៍ខ្មែរឥស្លាម
ពិតជាកិត្តិយស និងមោទនភាពសម្រាប់សហគមន៍ខ្មែរឥស្លាម នៅកម្ពុជាយើង ក្នុងឱកាសលោកបណ្ឌិត សៀស្ខ ពិនទើ បាលីលះ ដែលជាអុីមាំ វិហារឥស្លាមដ៏បរិសុទ្ធ អាល់ហារ៉ម នៅម៉ាកាស់ មកដឹកនាំធ្វើអុីមាំផ្ទាល់ នៅវិហាឥស្លាមអាល់សាកាល់បឹងកក់ នៅថ្ងៃសុក្រ ទី១៦ ខែសីហា ឆ្នាំ២០២៤។
កិច្ចពិភាក្សាគ្នាលើការរៀបចំកម្មវិធីសម្ពោធដាក់ឱ្យប្រើប្រាស់សាលា ២ខ្នង មាន៤បន្ទប់
នាព្រឹកថ្ងៃទី8/8/2024 នាយកប្រតិបត្តិនៃសមាគមអាម៉ាណះតាកាហ្វុលកម្ពុជា រួមគ្នាជាមួយលោកអុីមាំខេត្តកំពង់ឆ្នាំងបើកកិច្ចពិភាក្សាគ្នាលើការរៀបចំកម្មវិធីសម្ពោធដាក់ឱ្យប្រើប្រាស់សាលា ២ខ្នង មាន៤បន្ទប់ ដែលគ្រោងនឹងប្រព្រឹត្តទៅនៅថ្ងៃទី12/08/2024, ភូមិ៤ សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង។ ទទឹមគ្នានេះដែរ លោកនាយកប្រតិបត្តិនៃសមាគមអាម៉ាណះតាកាហ្វុលកម្ពុជាបានផ្តល់ជូនកុំព្យូទ័រលើតុមួយឈុត ក្រោមជំនួយឧបត្ថម្ភពីធានាគា ABA Bank និងម៉ាសុីនព្រីនមួយគ្រឿងជាថវិកាផ្ទាល់របស់លោកនាយក ដល់លោកគ្រូបង្រៀនប្រចាំការផងដែរ។
សមាគមអាម៉ាណះតាកាហ្វុលកម្ពុជា និងក្រុមការងារបានចុះសួរទុក្ខដល់ក្រុមគ្រួសារឯកឧត្តម សុីម
إِنَّا لِلَّٰهِ وَإِنَّا إِلَيْهِ رَاجِعُونនាព្រឹកថ្ងៃទី07/08/2024, នាយកប្រតិបត្តិនៃសមាគមអាម៉ាណះតាកាហ្វុលកម្ពុជា និងក្រុមការងារបានចុះសួរទុក្ខដល់ក្រុមគ្រួសារឯកឧត្តម សុីម ម៉ាត់ទោត អតីតសមាជិកក្រុមប្រឹក្សាភិបាលទទួលបន្ទុកផ្នែកកិច្ចការឥស្លាមនៃសមាគមអាម៉ាណះតាកាហ្វុលកម្ពុជា ដែលបានទទួលមរណៈភាពដោយសាររោគាពាធ កាលថ្ងៃទី22 ខែកក្កដា ឆ្នាំ2024 កន្លងទៅ និងបានឧបត្ថម្ភថវិកាចំនួន 6,000,000រៀលផងដែរ។ ជំនួសមុខគណៈកម្មការនៃសមាគមអាម៉ាណះតាកាហ្វុលកម្ពុជា យើងខ្ញុំសូមឌូអាសុំ អល់ឡោះជាម្ចាស់ មេត្តាសណ្តោះប្រណី និងទទួលយកនូវរាល់ៗអាម៉ាល់អុីប៉ាទាតរបស់ ឯកឧត្តម និងបញ្ចូលនៅក្នុងឋានសួរផងចុះ, អាមុីន។
សមាគម CATA និងការអភិវឌ្ឍន៍សហគមន៍
នារសៀលថ្ងៃទី20 ខែកក្កដា ឆ្នាំ2024, សមាគមអាម៉ាណះតាកាហ្វុលកម្ពុជា បានដឹកនាំរៀបចំកម្មវិធីសំណេះសំណាលជាមួយ គណៈអុីមាំស្រុក តួនៗ ហាកឹម យុវជន និងប្រជាពលរដ្ឋខ្មែរឥស្លាម ប្រមាណជាង 60នាក់ ក្រោមធានបទស្តីអំពី “សមាគម CATA និងការអភិវឌ្ឍន៍សហគមន៍” ស្ថិតនៅក្នុងស្រុកសន្ទុក ខេត្តកំពង់ធំ។
ចុះចែកកញ្ចប់អាហារស្រាយបួស ប្រមាណជាង 200គ្រួសារ
នាព្រឹកថ្ងៃទី31 ខែមិនា ឆ្នាំ 2024,លោកសេន សាម៉ាន នាយកប្រតិបត្តិនៃ សមាគមអាម៉ាណះតាកាហ្វុលកម្ពុជា បានចូលរួមអមជាអធិបតី ឯកឧត្តមស្មាន ម៉ាណាន, អគ្គរាជទួតកម្ពុជាប្រចាំនៅរដ្ឋកូវ៉ែត និងជាអនុប្រធានក្រុមប្រឹក្សាភិបាលនៃសមាគមអាម៉ាណះតាកាហ្វុលកម្ពុជា ចុះចែកកញ្ចប់អាហារស្រាយបួស ប្រមាណជាង 200គ្រួសារនៅជ្រៃអណ្តែត ស្រុកពញាឮ ខេត្តកណ្ដាល ឧបត្ថម្ភដោយអង្គការសប្បុរសធម៌ប្រទេសកាតា។
កម្មវិធីសំណេះសំណាល និងកិច្ចប្រជុំបូកសរុបលទ្ធផលការងារប្រចាំឆមាស ឆ្នាំ២០២៣
ថ្ងៃទី15/05/2024, កម្មវិធីសំណេះសំណាល និងកិច្ចប្រជុំបូកសរុបលទ្ធផលការងារប្រចាំឆមាស ឆ្នាំ២០២៣ ការរៀបចំផែនការយុទ្ធសាស្រ្តឆ្នាំ២០២៤ និងការកែទម្រង់សមាសភាពមន្រ្តីក្រុមការងារសមាគមអាម៉ាណះតាកាហ្វុលកម្ពុជា ខេត្តបាត់ដំបង។